Mae dros 15 o gwmnïau wedi lleoli eu swyddfeydd yma yn Yr Egin, ac mae’n gymuned glos a gweithgar. Mae ein swyddfeydd yn hygyrch ac yn hyblyg a chynigir y dechnoleg ddiweddaraf ledled yr adeilad. Ceir swyddfeydd ar ddwy lawr, a chegin a chyfleusterau ar bob un o’r lloriau, yn ogystal â chyfleusterau ôl-gynhyrchu a chynadledda. Mae rhagor o wybodaeth i denantiaid ar gael yma, ac os oes gennych ddiddordeb mewn ymuno â ni a'r gymuned greadigol, anfonwch e-bost at helo@yregin.cymru

Elusen annibynnol yw Cyngor Celfyddydau Cymru, ac fe’i sefydlwyd drwy Siarter Frenhinol ym 1994. Mae’r cyllid rydyn ni’n ei ddosbarthu yn dod oddi wrth Lywodraeth Cymru a’r Loteri Genedlaethol. Mae’r rhan fwyaf o’n cyllid yn mynd i artistiaid a sefydliadau celfyddydol sy’n gwneud rhaglenni o waith ledled Cymru. Weithiau rydyn ni hefyd yn cynnal ein prosiectau ein hunain, yn arbennig lle mae’r rhain yn archwilio meysydd newydd o weithgarwch celfyddydol neu’n ein helpu i ddwyn perswâd ar sefydliadau eraill i ddangos diddordeb yn y celfyddydau.

Arbenigwr ym maes Cyllid Corfforaethol / Cyllid Asedau yw Gareth Jones. Mae’n gweithio ar draws pob sector gydag arbenigedd ym meysydd proffesiynol, amaethyddol ac ynni adnewyddadwy.

Cwmni cyhoeddi a digidol amlgyfryngol yw Atebol sydd wedi ennill gwobrau am ei waith. Yn cyhoeddi teitlau blaengar a llawn dychymyg ar gyfer pob oedran, mae Atebol hefyd yn darparu gwasanaethau cyfieithu, golygu a phrawfddarllen proffesiynol.

Mae Captain Jac yn gwmni cynhyrchu annibynnol o dan arweiniad y Cynhyrchydd/Cyfarwyddwr Catrin Rowlands a’i gŵr Trystan sy’n olygydd â 25 mlynedd o brofiad. Maent yn rhagori mewn cynhyrchu rhaglenni dogfen a ffeithiol – o gyfresi pry ar y wal i ddogfennau hanesyddol – ar gyfer darlledwyr amrywiol yn cynnwys BBC FOUR, BBC THREE, S4C, Discovery Channel a Animal Planet yn ogystal â chreu cynnwys fideo i gleientiaid corfforaethol.

Mae Carlam wedi'i ysbrydoli gan rinweddau ceffyl rasio. Anifail cyflym, ystwyth a chlyfar gydag un genhadaeth glir: ennill y ras. Dyma'r rhinweddau sydd gan y cwmni cynhyrchu arbennig yma. Maent yn grŵp aml-sgil ac uchelgeisiol o bobl sy’n awyddus i addasu i heriau newidiol y diwydiannau teledu a chyfryngau.

CYDAG - Association of Schools for Welsh Education A national body that supports the Welsh education system by providing a voice , support and opportunities for Welsh and bilingual schools.

Gan adeiladu ar ein 35 mlynedd o brofiad fel Menter a Busnes, rydym yma i feithrin economi lewyrchus i Gymru sy’n cael ei gyrru gan gymuned gref o fusnesau llwyddiannus. Mae Mentera yn grymuso busnesau yng Nghymru a thu hwnt i dyfu’n hyderus, a chyrraedd eu llawn botensial. O’r fro i’r byd, fe helpwn ni eich busnes i fod y gorau y gall fod.

Mae ‘Rural Office’ yn bractis sydd wedi ennill gwobrau ac sydd ag enw da am gyflwyno pensaernïaeth ystyriol ynghyd a meddylfryd ac ymchwil strategol. Yn ystod y blynyddoedd diwethaf, mae’r cwmni wedi arallgyfeirio i gyflawni prosiectau strategol ar gyfer cleientiaid a sefydliadau dysgu cenedlaethol, yn ogystal â gwneud ymchwil i’r amgylchedd adeiledig gyda diddordeb penodol mewn cyd-destun Cymreig.

S4C yw sianel genedlaethol Cymru, yn darlledu dros 100 o oriau o raglenni Cymraeg yr wythnos o 6:00 y bore tan hwyr yn nos. Mae gan S4C dair swyddfa: y pencadlys yng Nghanolfan S4C Yr Egin, canolfan ddarlledu a swyddfa yng Nghaerdydd a swyddfa yng Nghaernarfon.

Wedi gweithio fel Cyfansoddwr a Chyfarwyddwr Cerdd ym maes darlledu ers ugain mlynedd a mwy mae Steffan wedi gweithio ar raglenni o bob genre, o raglenni a darllediadau byw cerddorol i raglenni dogfen a rhaglenni plant. Y tu hwnt i’r ffin mae Steff wedi gweithio ar raglenni megis Time Team i Channel 4 ac wedi bod yn gyfarwyddwr cerdd ar y gyfres Songs of Praise.

Mae pwyslais Stiwdiobox ar gynnig gwasanaethau dwyieithog o safon sy’n ysgogi, diddanu ac addysgu cynulleidfaoedd wrth ddefnyddio’r dechnoleg amlgyfrwng ddiweddaraf. Rydym yn arbenigo mewn gwasanaethau radio, podlediadau, cynnwys digidol, trosleisio, recordio Llyfrau Llafar, gweithdai ar-Lein a prosiectau cymunedol ac addysgiadol.

Mae Telesgop yn gwmni cynhyrchu aml-gyfrwng penigamp â mwy na 30 mlynedd o brofiad yn creu cynnwys grymus ar gyfer Teledu, Radio, Cyfryngau Digidol a phrosiectau Addysgiadol. 

Gweledigaeth Theatr Genedlaethol Cymru yw creu theatr Gymraeg fel man i ddod ynghyd, i gysylltu’r adnabyddus a’r annisgwyl, Cymreictod a’r byd, i drafod yn ddwys ac i godi’r galon. Maent yn creu theatr deithiol genedlaethol sy'n rhoi Cymru a’i phobl ar y map, yn agored ac yn groesawgar i bawb, gan sicrhau dyfodol disglair i’n hiaith a’n diwylliant.

Mae Urdd Gobaith Cymru yn Gorff Ieuenctid Gwirfoddol Cenedlaethol â dros 55,000 o aelodau rhwng 8 a 25 mlwydd oed. Ers 1922, maent yn darparu cyfleoedd i blant a phobl ifanc fwynhau profiadau trwy gyfrwng y Gymraeg a fydd yn eu galluogi i wneud cyfraniad cadarnhaol yn eu cymunedau. Mae swyddfa’r Urdd yn Yr Egin bennaf yn cael ei ddefnyddio gan dîm Urdd Myrddin, yn ogystal â nifer o staff ac adrannau’r mudiad o draws y rhanbarth gan gynnwys adran yr Eisteddfod a Chwaraeon ac yn fan cyfarfod defnyddiol i swyddogion celfyddydol Sir Gâr, Ceredigion a Sir Benfro.

Yr Hwb: Iechyd Cyhoeddus Cymru (llawn amser) + Atebol (1 diwrnod yr wythnos). Ni'n gweithio i amddiffyn a gwella iechyd a lles a lleihau anghydraddoldebau iechyd i bobl Cymru.