Mae eleni’n nodi’r 24ain rhifyn o Ŵyl WOW, sy’n dathlu goreuon sinema Cymru a’r byd.

Mae’r Ŵyl yn arddangos amrywiaeth gyfoethog o ffilmiau sy'n amlygu talent leol a straeon byd-eang.

__________________

THE WALK 

Cyfarwyddwr: Tamara Kotevska 

Mae'r ffilm yn Arabeg gydag is-deitlau Saesneg

 Yn ei dilyniant teimladwy i ‘Honeyland’, mae’r cyfarwyddwr o Facedonia, Tamara Kotevska, yn mynd â chynulleidfaoedd ar daith afaelgar, o Syria i Fôr Udd. 

Mae’r ffilm yn dilyn dwy ferch ddewr naw oed sy’n ffoaduriaid – Asil, plentyn amddifad yn Nhwrci heb bapurau swyddogol, ac Amal, pyped enfawr y mae ei phresenoldeb aruthrol yn caniatáu iddi deithio ar draws ffiniau. Wrth i gamau cawraidd Amal ei thywys drwy dirweddau a phentrefi, mae hi'n lledaenu llawenydd, yn cwrdd â chyd-ffoaduriaid, a hyd yn oed yn dod ar draws y Pab. Trwy daith Amal, mae ‘The Walk’ yn archwilio gobaith a gwytnwch anorchfygol plant sy’n ceisio lloches mewn byd cythryblus. 

Yn dilyn y dangosiad ffilm bydd sesiwn holi ac ateb Zoom gyda chynhyrchydd Cymreig y ffilm, Harri Grace.

"Shining a light on a story that moves into and out of the news media’s attention, 'The Walk' opts not for speechifying or arguing. It honors, rather, the kernel of life a puppet can embody, built by hand and sprung straight from the heart." - The Hollywood Reporter

"'Kotevska shows the unspeakable with great empathy and a healthy dose of courage" - Cineuropa